Zweet Woch

Zweet Woch.

No den Ouschterdeeg hunn ech lues ewer sécher mat schaffen ugefong.Vill administrative Saache stungen um Programm: Nokucke vun den Akltivitéitsfichen a vun de Pabeiren déi ech brauch fir mäi Laangzäitvisum unzefroen, deen zu Madagaskar gefrot ass.

Madagaskar ass eng Insel déi am indischen Ozean virun der Südküst vu Mozambique läit. Si ass mat 587295 qkm 227 mol méi grouss wéi Lëtzebuerg a gehéiert zu denen 10 gréissten Insele weltwäit. Leider gehéiert Madagaskar och zu denen äermste Länner vun der Welt a steet am Ranking do op der véierter Plaatz ( 25 Länner senn do klassifizéiert). Op der Lescht vun de korrupte Länner steet et och ganz uewen an den neie Präsiden , den Andry Rajoelina wäert all Méi hunn, dogéint unzekämpfen. Trotz internationalen Hëllefen an ONG senn 3,68% vun de Kanner ënnerernäert a leide batteren Honger. Apaart schlëmm ass et am Süde vum Land, wou et ausserhalb vun der Reenperiod  praktisch nit reent an duefir de Buedem extrem dréchen ass. 70% vun de Madegasse liewen ënnerhalb der Aaarmutsgrenz.

Madagaskar gëtt och nach déi „rout Insel“ genannt. De Buedem huet souguer wann en naass ass nach eng rout Faarf. Vill Häiser,déi ech zu Antsirabe gesinn hunn, se rout, wëll se mat Zille vun deem Buedem gebaut senn.

Vill vun iech kennen bestëmmt de King Julian aus dem Animatiounsfilm Madagaskar. Ee Lemur a gehéiert zu der Aart vun Déiren, déi et just op Madagaskar ginn. Ewéi ca 90 % vun den Déiren, déi hei liewen. Momentan senn 33 Aarte vu Lemuren klassifizéiert, an iwwer verschidden Aarte senn d’Wëssenschaftler sech nach nit eenig. De bekannteste Lemur ass den Maki Tata , deen och nach Maki Kata genannt gëtt. Iwwersat heescht dat“Sonnenubieder“. Wa moies déi éischt Sonnestralen ze gesi senn, se se op de Been a sonne sech. Ier d’d’Franzousen d’Insel iwwerholl hunn, senn et vill méi Aarte vu Lemure ginn,och där,  déi sou grouss wéi eent 8 jäerigt Kand waren. Duerch Wëlderei an d’Ofbrenne vun de Bëscher si se a Gefor fir auszestierwen. Wann näischt zu hirem Schutz gemeet gëtt, kann et senn, dass mer se an der Zukunft just nach am Zoo gesinn.

Petits liens intéressant à lire. Rester critique et lisez d’autre articles

https://mobile.francetvinfo.fr/monde/afrique/societe-africaine/madagascar-lemuriens-et-bois-precieux-symboles-de-l-ile-sont-la-proie-de-braconniers-et-de-bucherons_3411395.html#xtref=https://www.google.com/

Een Déier wat et och just op Madagaskar gëtt, ass de Fossa, eng Raubkaatz an den natierliche Feind vun de Lemuren. Et ass dat eenzigt fleeschfriessend Déier wat hei ze fannen ass. Natierlich ginn et och Schlaangen,Chamäleonen, Reptilien an natierlich Vullen. Ech verspriechen iech alles ze probéiren,fir Photoe vun deenen exotischen Déiren ze maachen.  

D’Geschicht vu Madagaskar ass nit mat där vun der Ile de la Reunion oder Mauritius ze vergläichen. Madagaskar war ee Kinniksräich an ass et schon emmer ginn. D‘Madegassen haten et fäerdigbruecht fir d’Englänner zréck an d’Mier ze dreiwen an och bei de Franzousen ass et hinne gelong bis déi een Handelsposten am Norde vun der Insel opgebaut hunn.Vun 1890  senn se eng Kolonie vu Frankräich. Natierlich hat d’Insel dunn och kee Kinnik méi. De Palais vun der Kinnigin (Tana) kann een nach an der Haaptstad Antanaviro gesinn.

De marokkanische Kinnik de Mohamed V war zu Antsirabe am Exil. Anscheinend wéinst den Thermen. Leider hat heen ewer nit beduecht, dass d’Klima do alles anescht wéi tropisch oder warem ass. Et ass éischter mam lëtzebuergischem oder belschem Klima ze vergläichen. Et schingt him trotzdem gutt do gefall ze hunn, well Marokko a Madagaskar hunn och haut nach ee ganz gudden Drot zoueneen.

Lo erzielen ech iech eppes iwwer d’Ofbrenne vun de Bëscher. Dest gëtt ganz vill gemeet, obschons et vum Staat streng verbueden ass. Vun enger Parzell ginn d’Beem geha an da kontrolléiert verbrannt, firfruchtbare Buedem ze kréien. Des Technique klappt ewer natierlich nit ëmmer, de Brand geréit ausser Kontroll an et gëtt vill méi verbrannt wéi geplangt war. Wärend 2 Joer kann  op dësem Buedem mat engem gudde Resultat ugeplanzt ginn, da gëtt e wärend 4 bis 6 Joer brooch leie geloss an dat Ganzt geet rem vu vir un. No 2 oder 3 Perioden ass de Buedem steril, dat heescht heen huet keng Näerstoffer méi an ass zu näischt méi ze gebrauchen. Also gëtt dat selwischt op enger anerer Plaatz gemeet.ONG an Vahas (de Numm fir d’Auslänner) déi op Madagaskar liewen, versichen Opklärungsaarbicht ze maachen an de Leit vun aneren a besseren Techniken ze erzielen a virun allem ze iwwerzeegen.Esouguer Länner wéi Japan ennerstëtzen dëse Projet fir d’Erhale vun de Bëscher. Vahas planzen op hiren Terraien Joer fir Joer Uebstbeem an d’Leit aus den Dierfer kënnen d‘Uebst plécken a verwäerten. Dat alles gratis.

Lo bessen zu mengem Projet. Ech hu vun der Ouschtervakanz nit vill gespuert an hu se genotzt fir Héiflichkeetsbesich ze maachen. Fir d‘éischt wollt ech dem Buergermeeschter vu Brickaville moie soe gouen, deen ewer nit do war an duerch ee Stellvertrieder ersat ginn ass. Heen huet sech ëmt Wale vun den Deputéierte misste bekëmmeren.Och der responabeler Organisatioun fir d’Schoulen a Bildung (CISCO) war ech moie soen a se vum Finanzminister empfaang ginn. Ech brauch hir Erlaabnis fir an d’Schoulen däerfen ze gouen an hoffen, dass ech och an eent oder dat anert Reservat gouen däerf fir mäi Projet vierzestellen. Duerno senn ech , oder besser gesot wollt ech mat mengem Tuteur bei de Chef vum Distrikt gouen, deen natierlich och nit do war. Ewer den Direktor vu Manambabo war do an huet mat mer geschwaacht. Hei ass déi alleréischte Schoul déi eng Kantin gebaut kritt, an de Schantje  fänkt den 30.04 un (misst lo also am Gaang senn) .Duerno war ech op Sahatakoly wou ech der Direktrice vun hirer Schoul vu mengem Projet, mengen Ideeën a Pläng erzielt hunn.

Een éischt Resultat hunn ech schon Opweises a senn och déck stolz drop. Eng Klass aus Manambato mëcht ee Jumelage mat enger Schoulklass vun Harel an eng Klass vu Sahatakoly deet sech zesumme mat enger Klass vu Kietscht. ONG EDI Madagaskar huet mer versprach, dass dese Projet och nach virugefouert gëtt wa mäint Joer als Benevole riwwer ass.

Ech soe lo scho mol all deene Merci, déi mech ënnerstëtzt hunn.

Et gëtt nach souvill ze erzielen,ewer dat halen ech mer fir déi nächste Kéier.

Bis dann. ( je ne publierai pas de phots des enfants )

Veloma ( sou soen se hei fir äddi)